Verbum

супраць​² (супроць) прыслоўе | прыназоўнік

1. прыслоўе: На процілеглым баку ад каго-, чаго-н., прама перад кім-, чым-н.

   • Дом кнігі, а с. — Палац спорту.
   • Сядзець с.

2. прыслоўе: Наперакор, насуперак каму-, чаму-н.

   • Галасаваць с.

3. каго-чаго, прыназоўнік: Указвае на прадмет або асобу, перад якімі на процілеглым баку хто-, што-н. знаходзіцца.

   • Хата стаіць с. школы.

4. прыназоўнік: Насустрач руху чаго-н.

   • Ісці с. ветру.
   • Плысці с. цячэння.

5. каго-чаго, прыназоўнік: Для барацьбы з кім-, чым-н.

   • Лякарства с. грыпу.
   • Сродак с. камароў і маскітаў.

6. чаго, прыназоўнік Ужыв. для ўказання на тэрмін, адрэзак часу, перад якім што-н. адбываецца ці павінна адбыцца.

   • С. ночы ехаць нельга.

7. каго-чаго, прыназоўнік Ужыв. для выражэння параўнальных адносін.

   • Рост прадукцыйнасці працы с. мінулага года.

8. у знач. выказніка: Не згодзен (размоўнае).

   • Ты згодзен? — Не, я с.