сказаць дзеяслоў | закончанае трыванне
-
гл. гаварыць.
-
з інфінітывам: Распарадзіцца, загадаць.
- Мне сказалі падрыхтаваць ілюстрацыйны матэрыял да тэмы.
- Мама сказала сыну хутчэй бегчы дадому.
-
(звычайна з адмоўем). Зрабіць вывад, падумаць.
- Па тваім адзенні не скажаш, што бедна жывеш.
-
ужыв. як пабочнае слова Напрыклад (размоўнае).
- Скажам, заўтра я не змагу пайсці ў бібліятэку.
-
скажы(це). Вокліч, які служыць для выражэння здзіўлення, абурэння і пад. з прычыны чаго-н.
- Скажыце, які ты спрытны!
-
Вокліч з асобай інтанацыяй, ужыв. для выражэння нязгоды, недавер’я.
- Схадзі ў лес па ягады! — Скажаш жа! — Куды ёй у лес!
-
Скажы(це), калі ласка — ветлівы зварот пры запытанні аб чым-н.
- С. калі ласка, куды вядзе гэта дарога?
Тлумачальны слоўнік беларускай літаратурнай мовы (2002, правапіс да 2008 г.)