Verbum

сарвацца дзеяслоў | закончанае трыванне

1. Адарваўшыся, не ўтрымаўшыся, зваліцца.

   • Дзверы сарваліся з завесаў.
   • С. з вяршыні гары.
   • С. з рыштаванняў.

2. Рвануўшыся, вызваліцца ад чаго-н.

   • Сабака сарваўся з ланцуга.

3. Хутка, імкліва пакінуць якое-н. месца.

   • Хлопец сарваўся з лаўкі і пабег.

4. Сапсавацца, прыйсці ў нягоднасць пры няўмелым карыстанні (пра разьбу і пад.).

   • Разьба сарвалася.

5. Страціць самакантроль над сваімі паводзінамі, дзеяннямі.

   • С. і накрычаць на дзяцей.

6. пераноснае значэнне: Застацца нявыкананым, не адбыцца.

   • Сход сарваўся (размоўнае).

Фразеалагізмы:

• З языка сарвалася што ў каго (размоўнае) — сказаў не падумаўшы, паспешна.

• Як з ланцуга сарваўся (размоўнае неадабральнае) —

  • 1) пра шумныя паводзіны, празмерную радасць каго-н., хто адчуў сябе на свабодзе;
  • 2) пра паводзіны, учынкі чалавека, які страціў кантроль над сабой, перастаў сябе стрымліваць.

|| незакончанае трыванне: зрывацца.

|| назоўнік: зрыў.