Verbum

распусціцца дзеяслоў | закончанае трыванне

1. Раскрыцца, разгарнуцца, пакрыцца лістамі (пра пупышкі, кветкі, лісты).

   • Распусціліся бярозы.

2. Расплесціся, развіцца (пра валасы, што-н. заплеценае).

   • Косы распусціліся.
   • Шкарпэтка распусцілася (раскідалася).

3. Пачаць весці сябе непрыстойна; стаць недысцыплінаваным (размоўнае).

   • Распусціліся дзеці без бацькі.

4. Перайсці ў вадкі стан.

   • Масла распусцілася на скаварадзе.

5. Разысціся, растварыцца ў вадзе.

   • У халоднай вадзе цукар доўга распускаецца.

|| незакончанае трыванне: распускацца.

|| назоўнік: распусканне.