Verbum

прайсці, ✂; зак.

1. Ступаючы, едучы, перамясціцца па якім-н. месцы або да якога-н. месца.

   • П. па мосце.
   • П. да варот.
   • П. наперад.
   • Па рацэ прайшла баржа.

2. Пераадолець якую-н. прастору хадзьбой (а таксама пра некаторыя сродкі транспарту, пра пераадоленне дыстанцыі спартсменам).

   • П. некалькі крокаў.
   • П. пехатой пятнаццаць кіламетраў.
   • За гадзіну поезд прайшоў 70 км.
   • Бягун добра прайшоў стометроўку.

3. Перамяшчаючыся, накіроўваючыся куды-н., прамінуць, пакінуць ззаду.

   • П. сад або міма саду.
   • Задумаўшыся, п. сваю хату.

4. перан. Распаўсюдзіцца (пра чуткі, весткі і пад.).

   • Прайшла чутка аб яго прыездзе.

5. перан., перад кім-чым, а таксама са словамі «у думках», «ва ўяўленні» і пад.: мысленна ўзнікнуць, паўстаць ва ўяўленні.

   • У думках прайшло ўсё папярэдняе жыццё.

6. З’явіцца і знікнуць (пра ўсмешку, мімічны рух і пад.).

   • Па твары прайшла ажыўленая ўхмылка.

7. Пра што-н. працяглае: пралегчы, працягнуцца.

   • Тут пройдзе чыгунка.
   • Нафтаправод «Дружба» прайшоў па Беларусі.

8. Выпасці (пра ападкі).

   • Зранку прайшоў дождж.

9. перан. Пра час, пра што-н., што было, працягвалася: мінуць, адысці.

   • Прайшло некалькі гадоў.
   • Крыўда прайшла.
   • Боль прайшоў.

10. Адбыцца, закончыцца з якім-н. вынікам.

    • Спектакль прайшоў з вялікім поспехам.

11. Пранікнуць цераз што-н. (пра тое, што рухаецца, перасоўваецца, цячэ).

    • Цвік прайшоў наскрозь.
    • Шафа прайшла ў дзверы.
    • Чарніла прайшло цераз паперу.

12. Распрацаваць, апрацаваць, рухаючыся ў пэўным напрамку.

    • П. вугальны пласт.
    • П. адзін пракос.

13. што або пра што. Прасоўваючыся, дасягаючы чаго-н., падвергнуцца чаму-н., атрымаць прызнанне, зацвярджэнне.

    • Дакументы прайшлі цераз рэгістрацыю.
    • Праект прайшоў многа інстанцый.

14. у што або у каго-што. Аказацца ў ліку прынятых, залічаных, зацверджаных.

    • П. ў інстытут па конкурсу.

15. Вывучыць, пазнаёміцца з чым-н. (разм.).

    • Вучні прайшлі буквар.

16. Выканаць якія-н. абавязкі, заданні, прызначэнні.

    • П. вайсковую службу.
    • П. курс лячэння.

◊

• Прайсці ў жыццё — ажыццявіцца на справе.

|| незак. праходзіць, ✂.

|| наз. праходжанне, ✂ і праход, ✂.

◊

• Праходу не даваць каму (разм. неадабр.) — назойліва прыставаць з чым-н.