Verbum

паўзці, ✂; незак.

1. Перамяшчацца па паверхні ўсім целам (пра паўзуноў) ці на ножках (пра насякомых).

   • Жук паўзе.
   • Павук паўзе па сцяне.
   • Туман паўзе па нізіне (перан.).

2. Пра чалавека: перамяшчацца, прыпадаючы тулавам да паверхні і перабіраючы па ёй рукамі і нагамі.

   • Байцы паўзлі на жыватах.
   • Дзіця паўзе па падлозе.

3. Ісці, перамяшчацца вельмі павольна (разм.).

   • Поезд паўзе.

4. Расці, прылягаючы да паверхні, чапляючыся за яе.

   • Па ствале дрэва поўз плюшч.

5. Апаўзаць, асыпацца.

   • Грунт паўзе.

6. Пра паўвадкую масу: цячы, выцякаць адкуль-н. (разм.).

   • Цеста паўзе з дзяжы.

7. перан. Распаўсюджвацца, перадавацца (разм.).

   • Чуткі паўзлі ва ўсе бакі.