Verbum

наваліць​¹ дзеяслоў | закончанае трыванне

1. што і чаго на каго-што. Узваліць што-н. цяжкае на паверхню чаго-н.

   • Н. камень на дзежку з агуркамі.

2. пераноснае значэнне, што на каго (што). Ускласці на каго-н. многа работы, абавязкаў.

   • Н. усю работу на каго-н.

3. чаго. Накідаць у беспарадку многа чаго-н.

   • Н. кучу дроў.

4. безасабовая форма, што і чаго. Нападаць у вялікай колькасці (пра лісце, снег і пад.).

   • Наваліла снегу за ноч.

5. пераноснае значэнне, каго-чаго. Прыйсці, сабрацца ў вялікай колькасці.

   • Наваліла народу на сход.

|| незакончанае трыванне: навальваць.

|| назоўнік: навалка, навальванне і навал.

• Навал вугалю.

|| прыметнік: навалачны і навальны.

• Навалачны пункт.
• Навалачная машына.
• Навалачнае судна.