Verbum

мяккі прыметнік

1. Які ўгінаецца пры націсканні, няцвёрды, эластычны, далікатны.

   • М. хлеб.
   • М. абутак.
   • Мяккія валасы.
   • Мяккія рукі.

2. Прыемны для ўспрымання, не рэзкі.

   • М. голас.
   • Мяккае святло.

3. Плаўны, павольны.

   • Мяккія рухі.

4. пераноснае значэнне: Лагодны, ціхі, спагадлівы.

   • М. характар.
   • М. чалавек.

5. Нястрогі, паблажлівы.

   • М. прыгавор.

6. Цёплы, несуровы.

   • М. клімат. Мяккая зіма.

7. Які ўтрымлівае мала вапнавых солей.

   • Мяккая вада.

8. На транспарце: з мяккімі сядзеннямі або прызначаны для выкарыстання мяккіх сядзенняў.

   • М. вагон.

9. Аб зычных гуках: якія вымаўляюцца набліжэннем сярэдняй часткі языка да цвёрдага паднябення; процілегласць цвёрды.

Мяккі знак — назва літары «ь».

|| памяншальная форма: мякенькі.

|| назоўнік: мяккасць.