Verbum

лунаць дзеяслоў | незакончанае трыванне

1. Плаўна лятаць, рухацца ў паветры.

   • Буслы лунаюць у вышыні.

2. пераноснае значэнне: Павольна развявацца.

   • Лунаюць сцягі над плошчай.

3. пераноснае значэнне: Плысці, распаўсюджвацца (пра песні, музыку і пад.).

   • Песні лунаюць — настрой узнімаюць.

4. пераноснае значэнне: Знаходзіцца ў стане ўзвышаных або далёкіх ад рэчаіснасці мар.

   • Лунаць у воблаках (у надхмар’і) (неадабральнае) — знаходзіцца ў летуценным стане, не заўважаючы навакольнага.