Verbum

грош назоўнік | мужчынскі род

1. Даўнейшая медная двухкапеечная манета, пазней паўкапеечная.

   • Хай грошай ні гроша, абы слава хароша (прыказка).
   • Ні гроша няма (зусім няма грошай).
   • Гроша ломанага не варты (нікуды не прыгодны, нічога не варты).
   • Ні ў г. не ставіць каго-, што-н. (зусім не цаніць, не лічыцца з кім-, чым-н.).

2. Сучасная разменная манета ў Польшчы, роўная ​¹⁄₁₀₀ злотага, і ў Аўстрыі, роўная ​¹⁄₁₀₀ шылінга.

Уваткнуць (уставіць) свае тры грошы (размоўнае неадабральнае) — сказаць неўпапад.