Verbum

дзверы назоўнік | жаночы род

Праём у сцяне для ўваходу ў памяшканне, а таксама створ, якім закрываюць гэты праём.

• Навесіць д.
• Дубовыя д.
• Зачыніць д. на ключ.

Фразеалагізмы:

• Царскія дзверы — у праваслаўнай царкве: галоўны ўваход у алтар.
• Жыць дзверы ў дзверы (размоўнае) — адзін насупраць другога.
• Дзень адчыненых дзвярэй — дзень вольнага наведвання навучальных устаноў з мэтай азнаямлення з імі перад паступленнем на вучобу.
• Пры зачыненых дзвярах — без допуску пабочных асоб.
• Стукацца ў дзверы — звяртацца да каго-н. з просьбай аб чым-н.

|| памяншальная форма: дзверцы.

|| прыметнік: дзвярны.

• Д. праём.
• Дзвярная клямка.