Verbum

дайсці, ✂; зак.

1. да каго-чаго. Ідучы, накіроўваючыся, дасягнуць чаго-н.

   • Д. да станцыі.
   • Тэлеграма дайшла ў той жа дзень.
   • Гук не дайшоў.
   • Дайшлі чуткі аб аварыі самалёта.
   • Да нас дайшлі старажытныя помнікі пісьменнасці.

2. да чаго. Дасягнуць якога-н. узроўню.

   • Тэмпература дайшла да 30.

3. да каго-чаго. Пранікнуць у свядомасць.

   • Сэнс заўвагі да яго не дайшоў.

4. да чаго. Зразумець.

   • Сваім розумам дайшоў да ісціны.

5. перан., да чаго. Дасягнуць крайняя ступені праяўлення чаго-н.

   • Д. да знямогі.
   • Д. да шаленства.

6. Даварыцца, дапячыся, даспець.

   • Пірог дайшоў.
   • Памідоры дойдуць на сонцы.

7. да чаго. Дасягнуць пэўнага службовага становішча.

   • Д. да чына палкоўніка.

8. чаго. Пасля намаганняў дасягнуць чаго-н.

   • Ён свайго дайшоў.

9. Даведацца, раскрыць што-н.

   • Следчы дайшоў, хто зрабіў узлом.

10. Памерці (разм.).

    • Доўга мучыўся небарака, пакуль не дайшоў.

◊

• Дайсці да торбы (разм.) — збяднець, стаць жабраком.

|| незак. даходзіць, ✂.

1. Не даходзячы чаго, прыназ. з Р — блізка, паблізу ад чаго-н.

   • Іхняя хата — не даходзячы магазіна.

2. Не даходзячы да каго-чаго — тое, што і не даходзячы.

   • Чакайце нас не даходзячы да прыпынку.
   • Спыніўся не даходзячы да каня.