ход назоўнік | мужчынскі род
-
гл. хадзіць.
-
Рух, перамяшчэнне ў якім-н. напрамку.
- Сядзець у вагоне па ходу поезда.
- Машына паскорыла х.
-
пераноснае значэнне: Развіццё, цячэнне чаго-н.
- Х. заняткаў.
- Х. падзей.
-
Перамяшчэнне рухомай часткі механізма ад аднаго крайняга становішча да другога, а таксама велічыня гэтага перамяшчэння.
- Х. поршня.
- Велічыня ходу прэса.
-
Дзеянне, работа, якую выконвае машына, механізм.
- Х. гадзінніка.
-
Рабочая частка машыны, механізма (спецыяльны тэрмін).
- Анкерны х. гадзінніка.
-
Тэхналагічны працэс; цыкл (спецыяльны тэрмін).
- Домна на гарачым хаду.
-
У шахматах, картах і пад.: чарговае выступленне іграка.
- Х. пешкі.
- Х. пешкай.
- Х. козырам.
-
пераноснае значэнне: Прыём, манеўр для дасягнення якой-н. мэты.
- Дыпламатычны х.
- Хітры х.
-
Месца, праз якое ўваходзяць куды-н., уваход.
- Пакой з асобным ходам.
-
Месца, па якім ходзяць, шлях, пераход.
- Падземны х.
-
пераноснае значэнне: Магчымасць дасягнення чаго-н.
- Трэба даваць х. маладым пісьменнікам.
-
іншыя значэнні:
- Жалезны ход — ніжняя хадавая металічная частка воза або іншых якіх-н. транспартных сродкаў.
- Малы ход — запаволены ход судна, а таксама каманда, якая перадаецца ў машыннае аддзяленне для змяншэння ходу судна.
- Поўны ход! — словы каманды: з гранічнай скорасцю.
- На хаду — мімаходам.
- Па ходу справы — у залежнасці ад абставін.
- Поўным ходам — інтэнсіўна, узмоцнена (ідзе, ішло і пад. што-н.).
- Сваім ходам — 1) пехатой; 2) работай свайго матора.
|| прыметнік: хадавы.
- Дзве хадавыя гадзіны.
Тлумачальны слоўнік беларускай літаратурнай мовы (2002, правапіс да 2008 г.)