Verbum

халодны прыметнік

1. З нізкай або адносна нізкай тэмпературай (паветра, цела).

   • Халоднае лета.
   • Халодныя рукі.

2. Які астыў, страціў цеплыню.

   • Х. суп.
   • Халодная каша.

3. Які не ацяпляецца.

   • Халодная веранда.

4. Які дае мала цяпла, дрэнна грэе, не трымае цяпла.

   • Халодныя боты.
   • Халодныя рукавіцы.

5. Які пакутуе ад холаду (размоўнае).

   • Дзеці былі часта галодныя і халодныя.

6. Які ажыццяўляецца пры нізкіх тэмпературах, без награвання.

   • Халодная коўка металу.

7. пераноснае значэнне: Звязаны з пачуццём унутранага, душэўнага холаду.

   • Х. чалавек.

8. пераноснае значэнне: Строгі і нядобразычлівы.

   • Х. погляд.
   • Х. прыём.

9. пераноснае значэнне: Невыразны, бляклы.

   • Халодныя фарбы.

10. халодная: Памяшканне для арыштаваных (размоўнае устарэлае).

    • Пасадзіць у халодную.

11. халоднае: Тое, што і халадзец.

Халодная вайна — варожа-агрэсіўная палітыка рэакцыйных колаў імперыялістычных дзяржаў.

Халодная зброя — шабля, піка, штык і пад.

|| назоўнік: халоднасць.