Verbum

хадзіць дзеяслоў | незакончанае трыванне

1. Рухацца, перамяшчацца, ступаючы нагамі (пра чалавека, жывёл).

   • Дзіця рана пачало х.

2. Тое, што і ісці, але абазначае рух, які паўтараецца ці адбываецца ў розны час і ў розных напрамках.

   • Х. па садзе.
   • Х. па вёсках.
   • Х. у ягады.
   • Х. у школу.
   • Х. каралём.
   • Аўтобус да горада ходзіць два разы ў дзень.
   • Ходзяць хмары, а дажджу няма.
   • Ходзяць чуткі па свеце.
   • Старасць ходзіць асцярожна і абачліва глядзіць (з народнай творчасці).

3. Перадавацца, пераходзіць ад ацнаго да другога.

   • Кніжка хадзіла па ўсяму інстытуту.
   • Ходзіць грып.

4. Рухацца ўзад і ўперад або ўверх і ўніз, з боку ў бок.

   • Падлога ходзіць пад нагамі.

5. Падымацца і апускацца пры глыбокім дыханні, напружанні і пад.

   • Так сапе, аж грудзі ходзяць.

6. Укісаючы, брадзіць.

   • Цеста ходзіць.

7. Выконваць якую-н. работу пры дапамозе пэўнай прылады.

   • Х. за плугам (размоўнае).

8. Клапаціцца аб кім-, чым-н., даглядаць каго-, што-н.

   • Х. за хворым.
   • Х. за скацінай.

9. Апранацца ў што-н., насіць што-н., мець пэўны знешні выгляд.

   • Х. у ботах.
   • Х. без шапкі.

10. Быць у якім-н. званні, выконваць якія-н. абавязкі (размоўнае).

11. Быць цяжарнай (пра жанчыну) (размоўнае).

    • Х. другім дзіцем.

12. Пра коней, валоў і пад.: выкарыстоўвацца тым ці іншым чынам.

    • Х. у плузе.
    • Х. пад сядлом.

13. Адпраўляць натуральную патрэбу (размоўнае).

    • Дзіця ходзіць на гаршчок.

14. хадзі(це). Запрашэнне ісці куды-н. (размоўнае).

    • Хадзі сюды.

На галаве хадзіць (размоўнае неадабральнае) — дурэць, сваволіць.

|| закончанае трыванне: схадзіць.

|| назоўнік: ход, хаджэнне і хадзьба.

• Ход цягніка.
• Хаджэнне па справах.
• Увесь дзень у хадзьбе.
• Спартыўная хадзьба (від спорту).