Verbum

пэ́цнуць, -ну, -неш, -не; -ні́; зак. (разм.).

1. гл. пэцкаць.

2. каго (што), па чым. Ударыць.

П. па твары.

пяле́гаваць, -гую, -гуеш, -гуе; -гуй; -гаваны; незак., каго-што (разм.).

Песціць, любоўна даглядаць.

П. дзіця.

|| наз. пяле́гаванне, -я, н.

разбрані́раваць, -ру́ю, -ру́еш, -ру́е; -ру́й; -ра́ваны; зак., каго-што.

Вызваліць ад броні, зняць броню з каго-н.

Р. спецыяліста.

разбудава́ць, -ду́ю, -ду́еш, -ду́е; -ду́й; -дава́ны; зак., што (разм.).

Будуючы, расшырыць плошчу.

Р. пасёлак.

|| незак. разбудо́ўваць, -аю, -аеш, -ае.

паадця́гваць, -аю, -аеш, -ае; -аны; зак., каго-што.

Адцягнуць, перамясціць куды-н. усё, многае або ўсіх, многіх.

П. жэрдзе.

паадшу́кваць, -аю, -аеш, -ае; -аны; зак., каго-што.

Адшукаць усіх, многіх або ўсё, многае.

П. сваякоў.

П. згубленыя рэчы.

павыву́чваць, -аю, -аеш, -ае; зак., каго-што.

Вывучыць усё, многае або ўсіх, многіх.

П. вершы.

Павывучваў сыноў на аграномаў.

павыкалу́пваць і павыкалу́пліваць, -аю, -аеш, -ае; -аны; зак., што.

Калупаючы, выняць адкуль-н. усё, многае.

П. зярняты з коласа.

павыкла́дваць, -аю, -аеш, -ае; -аны; зак., што.

Выкласці, вылажыць усё, многае.

П. пакункі з сумкі.

П. сцены керамічнай пліткай.

павыраза́ць, -а́ю, -а́еш, -а́е; -а́ны; зак., каго-што.

Выразаць усё, многае.

П. старыя дрэвы.

П. патрэбныя артыкулы з газет.