Verbum

адліўны́, ‑ая, ‑ое.

Прызначаны для адліву, сцёку чаго‑н. Адліўныя трубы.

адрэгулява́цца, ‑люецца; зак.

Прыйсці ў неабходны для работы стан; стаць адрэгуляваным.

апы́львальнік, ‑а, м.

Апарат для апыльвання раслін; апыляльнік (у 2 знач.).

аўтапіло́т, ‑а, М ‑лоце, м.

Прыстасаванне для аўтаматычнага кіравання лятальным апаратам.

аўтасало́н, ‑а, м.

Выстаўка (раздзел выстаўкі) для дэманстрацыі новых мадэлей аўтамабіляў.

аўто́л, ‑у, м.

Нафтавае масла для змазкі аўтамабільных і трактарных рухавікоў.

[Складанаскарочанае слова: аўт(амабіль) і лац. ol(eum) — алей.]

вастры́льны, ‑ая, ‑ае.

Прызначаны для вастрэння якіх‑н. інструментаў. Вастрыльныя прылады.

веладро́м, ‑а, м.

Спецыяльна абсталяваная пляцоўка для веласіпедных гонак і трэніровак.

[Ад вела... і грэч. dromos — бег, месца для бегу.]

водаачышча́льны, ‑ая, ‑ае.

Прызначаны для ачышчэння вады. Водаачышчальная станцыя. Водаачышчальная сістэма.

вуглеабагача́льны, ‑ая, ‑ае.

Які прызначаны для абагачэння каменнага вугалю. Вуглеабагачальная фабрыка.