Verbum

мадэ́м, -а, мн. -ы, -аў, м.

Прыстасаванне, прызначанае для пераўтварэння лічбавых сігналаў камп’ютара з мэтай перадачы іх па тэлефоннай лініі сувязі.

радыётэлефо́н, -а, мн. -ы, -аў, м.

Сродак сувязі для перадачы і прыёму моўных паведамленняў пры дапамозе радыёхваль.

|| прым. радыётэлефо́нны, -ая, -ае.

радыёхва́ля, -і, мн. -і, -ва́ль, ж.

Электрамагнітная хваля, якая выкарыстоўваецца для перадачы сігналаў на адлегласць без правадоў.

|| прым. радыёхва́левы, -ая, -ае.

шкіў, шківа, мн. шківы, шківаў, м. (спец.).

Кола з шырокім абадом, дэталь раменнай або канатнай перадачы руху.

|| прым. шкі́ўны, -ая, -ае.

інфарма́тыка, -і, ДМ -тыцы, ж.

Навука аб агульных уласцівасцях і структуры навуковай інфармацыі, заканамернасцях яе стварэння, ператварэння, назапашвання, перадачы і выкарыстання.

право́дка, -і, ДМ -дцы, ж.

1. гл. правесці.

2. мн. -і, -дак. Сетка правадоў для перадачы току нізкага напружання.

Электрычная п.

тэлета́йп, -а, мн. -ы, -аў, м.

Тэлеграфны апарат з клавіятурай як у друкарскай машынцы для перадачы тэкставых паведамленняў.

|| прым. тэлета́йпны, -ая, -ае.

цеплаабме́ннік, -а, мн. -аў, м. (спец.).

Апарат перадачы цяпла ад цела з больш высокай тэмпературай да таго, якое мае больш нізкую тэмпературу.

газаправо́д, -а, М -дзе, мн. -ы, -аў, м.

Трубаправод для перадачы газу¹ (у 1 і 2 знач.) на адлегласць.

|| прым. газаправо́дны, -ая, -ае.

ма́мачка, -і, ДМ -чцы, мн. -і, -чак, ж.

1. гл. мама.

2. у знач. выкл. Ужыв. для перадачы здзіўлення, спалоху.

Ах, м.!