Verbum

ло́бі, нескл., н.

Група прадстаўнікоў эканамічна моцных структур, якія аказваюць уплыў на палітыку дзяржавы.

|| прым. лабі́сцкі, -ая, -ае.

ляжнё́ўка, -і, ДМ -ўцы, мн. -і, -нёвак, ж. (спец.).

Дарога з насланага бярвення.

|| прым. ляжнёвачны, -ая, -ае.

магнітафо́н, -а, мн. -ы, -аў, м.

Апарат для запісу і ўзнаўлення гукаў электрамагнітным шляхам.

|| прым. магнітафо́нны, -ая, -ае.

майда́н, -а, мн. -ы, -аў, м.

Базар, базарная плошча (на поўдні Расіі, ва Украіне).

|| прым. майда́нны, -ая, -ае.

макаро́на, -ы, ж.

Харчовы прадукт з прэснага цеста ў выглядзе тонкіх трубачак.

|| прым. макаро́нны, -ая, -ае.

Макаронная фабрыка.

максімалі́зм, -у, м.

Празмерная, без уліку рэальных умоў крайнасць у якіх-н. патрабаваннях, поглядах.

|| прым. максімалі́сцкі, -ая, -ае.

маля́р, -а́, мн. -ы́, -о́ў, м.

Рабочы, які фарбуе будынкі, памяшканні, парканы і пад.

|| прым. маля́рскі, -ая, -ае.

ма́нга, нескл., н.

Трапічнае пладовае дрэва сямейства сумахавых, а таксама яго салодкі духмяны плод.

|| прым. ма́нгавы, -ая, -ае.

мані́цы, -ніц і -аў.

Мужчынскія калівы канапель, а таксама валакно, якое атрымліваецца з іх.

|| прым. мані́чны, -ая, -ае.

мармела́д, -у, М -дзе, м.

Цукеркі з фруктова-ягаднага соку, жэлейных рэчываў і цукру.

|| прым. мармела́дны, -ая, -ае.