Verbum

малакаме́р, -а, мн. -ы, -аў, м.

Прыбор для вымярэння аб’ёму малака.

|| прым. малакаме́рны, -ая, -ае.

мандары́н¹, -а, мн. -ы, -аў, м.

Буйны чыноўнік у феадальным Кітаі.

|| прым. мандары́нскі, -ая, -ае.

ма́рыва, -а, н.

Трымцячы слой цёплага паветра каля паверхні зямлі; смуга.

|| прым. ма́рыўны, -ая, -ае.

маса́ж, -у, м.

Расціранне цела з лячэбнай, аздараўляльнай мэтай.

М. твару.

|| прым. маса́жны, -ая, -ае.

масо́н, -а, мн. -ы, -наў, м.

Паслядоўнік масонства, член масонскай ложы.

|| прым. масо́нскі, -ая, -ае.

медсанба́т, -а, М -ба́це, мн. -ы, -аў, м.

Медыка-санітарны батальён.

|| прым. медсанба́таўскі, -ая, -ае.

медыкаме́нты, -аў, адз. медыкаме́нт, -а, М -нце, м.

Лячэбныя сродкі, лякарствы.

|| прым. медыкаменто́зны, -ая, -ае.

метало́ід, -у, М -дзе, мн. -ы, -аў, м.

Устарэлая назва неметалу.

|| прым. метало́ідны, -ая, -ае.

механіза́тар, -а, мн. -ы, -аў, м.

Спецыяліст па абслугоўванні сельскагаспадарчых машын.

|| прым. механіза́тарскі, -ая, -ае.

мі́ксер, -а, мн. -ы, -аў, м.

Прыстасаванне для прыгатавання сумесей, змешвання.

|| прым. мі́ксерны, -ая, -ае.