Verbum

аба́пал,

1. прыназ. з Р. Спалучэнне з прыназ. выражае прасторавыя адносіны: паказвае на размяшчэнне з абодвух бакоў чаго-н.

Прысады цягнуліся а. дарогі.

2. прысл. З абодвух бакоў.

А. пацягнуліся сады, агароды.

заняпа́д, -у, ДМ -дзе, м.

Упадак, стан аслаблення дзейнасці, змяншэння актыўнасці.

З. эканомікі.

Гаспадарка прыйшла ў з.

Адчуць стомленасць і з.

дзя́куючы, прыназ. з Д.

Выражае адносіны прычыны, паказвае, з прычыны чаго, з дапамогай чаго адбылося дзеянне.

Паправіўся д. медыцыне.

Выратаваўся д. выпадку.

нясу́н, несуна́, мн. несуны́, несуно́ў, м. (разм.).

Дробны злодзей, які цішком выносіць што-н. з вытворчасці, з месца працы.

Барацьба з несунамі.

наса́ч, -а́, мн. -ы́, -о́ў, м. (разм.).

1. Чалавек з вялікім носам.

2. Птушка з доўгай дзюбай або жывёліна з вялікім носам.

адту́ль, прысл.

З таго месца, з таго боку.

А. вее ледзяны вецер.

адусю́ль, прысл.

З розных месц, з усіх бакоў.

А. чуліся вясёлыя галасы.

мікрапо́рысты, -ая, -ае.

Пра вырабы з рызіны: з мікраскапічнымі порамі.

Мікрапорыстая падэшва.

мнагато́мны, -ая, -ае.

Які складаецца з некалькіх, з многіх тамоў.

М. раман.

крупча́сты, -ая, -ае.

Які складаецца з крупінак, з дробных часцінак.

К. мёд.