Verbum

НАЦЫЯНА́ЛЬНЫ СХОД,

1) назва ўстаноўчага сходу ў Францыі ў 1789, 1848, 1871 і ў Германіі ў 1848 і 1919.

2) У Францыі ў 1840—1940 — аб’яднанае пасяджэнне абодвух палат парламента, якое выбірала прэзідэнта рэспублікі.

3) У шэрагу краін (Арменія, Беларусь, Бенін, В’етнам, Туніс, Францыя і інш.) назва парламента або адной з яго палат (Габон, Мадагаскар, Маўрытанія і інш.).

т. 11, с. 241

НЯВО́ЛЬНІЦКІ БЕ́РАГ,

устарэлая назва нізіннага ўзбярэжжа Гвінейскага зал. (зал. Бенін) у Афрыцы, паміж вусцямі рэк Нігер і Вольта. Бераг нізінны, забалочаны, з лагунамі і пратокамі. У вусцях рэк і па берагах лагун — мангравыя зараснікі, за імі паўторныя саванны (на 3) і вечназялёныя лясы (на У). У 16—18 ст. Н.б. — адзін з гал. раёнаў гандлю рабамі (адсюль назва).

т. 11, с. 405

ПАЛА́ТА, 1) назва прадстаўнічых органаў ці іх асобных састаўных частак (напр., Нац. сход Рэспублікі Беларусь складаецца з 2 П. — П. прадстаўнікоў і Савета Рэспублікі).

2) Назва некат. дзярж. ці грамадскіх арг-цый і ўстаноў (напр., Кніжная П., Гандлёва-прамысловая П.).

3) У дарэв. Расіі судовыя П. — органы па разглядзе грамадз. і крымінальных спраў (уведзены суд. рэформай 1864).

т. 11, с. 538

«БЛАКІ́ТНЫЯ КА́СКІ»,

неафіцыйная назва (па колеры сцяга ААН) Узброеных сіл ААН.

т. 3, с. 187

БРО́КЕН-ХІЛ (Broken Hill),

назва да 1967 г. Кабве ў Замбіі.

т. 3, с. 258

БРЭСТ-НАД-БУ́ГАМ (Brześć nad Bugiem),

назва Брэста ў 1921—39.

т. 3, с. 287

ВЕ́РХНЯЯ ВО́ЛЬТА (франц. Haute-Volta),

назва дзяржавы Буркіна-Фасо да 1984.

т. 4, с. 112

АНГЛІ́ЙСКАЯ СОЛЬ, горкая соль,

назва магнію сульфату ў якасці слабіцельнага сродку.

т. 1, с. 348

ГАВЯ́ЗНА,

назва вёсак Навапольцы і Вішнявец (Гавязна 2-я) да 1964.

т. 4, с. 417

ДЖА́МБІ,

другая назва р. Хары на в-ве Суматра ў Інданезіі.

т. 6, с. 86