Verbum

АТЛЕ́Т (ад грэч. athlētēs барэц),

1) спартсмен, які займаецца атлетыкай.

2) Чалавек моцнага складу і вялікай фіз. сілы.

т. 2, с. 74

АЎТАСО́МЫ (ад аўта... + грэч. sōma цела),

усе храмасомы ў клетках раздзельнаполых жывёл і раслін, за выключэннем палавых храмасом.

т. 2, с. 120

ДЫФЕРЭНЦЫЯ́ЦЫЯ (франц. différentiation ад лац. differentia розніца, адрозненне),

раздзяленне, расчляненне, расслаенне цэлага на розныя часткі, формы і ступені.

т. 6, с. 301

ДЭЗ... (франц. dés... ад..., раз...), прыстаўка, якая абазначае знішчэнне, выдаленне, спыненне або адсутнасць чаго-н., напр., дэзінфекцыя, дэзінфармацыя.

т. 6, с. 325

ГАРНІ́Р (ад франц. garnir забяспечваць, упрыгожваць),

агародніна, макароны, кашы і падобнае, што дабаўляюць да рыбных і мясных страў.

т. 5, с. 67

ІНТЭНСІФІКА́ЦЫЯ (франц. intensification ад лац. intensio напружанне, узмацненне + facio раблю),

узмацненне, павелічэнне напружанасці, прадукцыйнасці, дзейнасці (напр., інтэнсіфікацыя вытворчасці).

т. 7, с. 283

МАНТЫ́СА (ад лац. mantissa прыбаўка, дабаўленне),

дробавая частка дзесятковага лагарыфма. Напр., М. lg 324= 2,5105 з’яўляецца лік 0,5105.

т. 10, с. 89

НЕА... (ад. грэч. neos новы), першая частка складаных слоў, якая па значэнні адпавядае слову «новы», напр., неакласіцызм, неалагізм.

т. 11, с. 250

ПА́ДУГА,

крывалінейная паверхня над карнізам унутры памяшкання, якая служыць пераходам ад сцяны да паверхні столі ці плафона.

т. 11, с. 507

ПАЛТЭРГЕ́ЙСТ ( ад ням. Poltergeist дамавік),

з’явы перасоўвання, падзення, знікнення прадметаў у доме, якія тлумачацца выбрыкамі містычных духаў, дамавога.

т. 12, с. 16