Verbum

МА́НЫЧ,

агульная назва азёр і рэк Кума-Маныцкай упадзіны.

т. 10, с. 96

МАРЫІ́НСКАЯ ВО́ДНАЯ СІСТЭ́МА,

былая назва Волга-Балтыйскага воднага шляху.

т. 10, с. 155

НАРО́ДНАЯ РЭСПУ́БЛІКА КАМПУЧЫ́Я,

афіцыйная назва Камбоджы ў 1979—93.

т. 11, с. 176

«НАШ СЦЯГ»,

назва газеты «Вольны сцяг» за 5.6—12.8.1923.

т. 11, с. 246

НІТРО́Н,

гандлёвая назва поліакрыланітрыльнага валакна, што выраблялі ў СССР.

т. 11, с. 352

«Савецкая Беларусь»,

назва газеты «Советская Белоруссия» ў 1941-44.

т. 14, с. 64

БАГЕ́МІЯ (лац. Bohemia),

1) першапачаткова назва тэр., на якой утварылася Чэхія. Ужывалася ант. гісторыкамі Тацытам, Пталамеем і інш. На пач. 1 ст. край заваяваны герм. плямёнамі маркаманаў. У 6 ст. тут пасяліліся слав. плямёны (продкі чэхаў).

2) У 1526—1918 афіц. назва Чэхіі, якая ўваходзіла ў склад Габсбургскай імперыі.

т. 2, с. 207

АРА́БСКІЯ ЛІ́ЧБЫ,

назва дзесяці матэм. знакаў: 0, 1, 2, 3, 4, 5, 6, 7, 8, 9, з дапамогай якіх па дзесятковай сістэме лічэння запісваюцца любыя лікі. Узніклі ў Індыі (не пазней як у 5 ст.), у Еўропе вядомыя з 10—13 ст. з араб. крыніц (адкуль і назва).

т. 1, с. 447

ДВУХВУ́СНАЎКІ,

устарэлая назва плоскіх чарвей класа трэматод, напр., Д. пячоначная (Fasciola hepatica), Д. крывяная (Schistosoma haematobium), Д. кашэчая, або сібірская (Opistorchis felineus), і інш. Селяцца ў органах чалавека і жывёл, выклікаюць цяжкія хваробы. Назва Д. звязана з тым, што прысоскі ў трэматод раней прымалі за 2 ротавыя адтуліны.

т. 6, с. 80

КУ́РШЫ,

балцкае племя, якое жыло на З сучаснай Латвіі; лацінізаваная назва — куроны, у рус. летапісах — корсь. У 7—8 ст. адбілі напады скандынаваў (вікінгаў). Да пач. 17 ст. зліліся з інш. лат. плямёнамі (земгаламі і латгаламі) у адзіную лат. народнасць. Ад К. паходзіць назва гіст. вобласці Курземе (гл. Курляндыя).

т. 9, с. 54