Verbum

шлагбаум назоўнік | мужчынскі род

Пад’ёмная ці рухомая перакладзіна для адкрывання і закрывання шляху на пераездах, заставах.

шлак назоўнік | мужчынскі род

Застылыя рэшткі пасля выплаўкі металу з руды.

|| прыметнік: шлакавы.

шлакабетон назоўнік | мужчынскі род

Бетон з сумесі цэменту, пяску і шлаку.

|| прыметнік: шлакабетонны.

шланг назоўнік | мужчынскі род

Гнуткая труба для адводу, усмоктвання, пералівання і пад. вадкасцей, газу, сыпучых рэчываў.

• Ссыпаць збожжа цераз ш.
• Пажарны ш.

|| прыметнік: шлангавы.

шлейка назоўнік | жаночы род

1. Стужка ці палоска тканіны, перакінутая цераз плячо, якая падтрымлівае спадніцу, ліфчык і пад.

2. Падцяжкі.

   • Штаны на шлейках.

|| прыметнік: шлеечны.

шлейф назоўнік | мужчынскі род

1. Доўгі падол жаночай сукенкі, які цягнецца ззаду.

2. пераноснае значэнне: Тое, што цягнецца, сцелецца за чым-н. (спецыяльны тэрмін).

   • Вадзяны ш. за цеплаходам.
   • Ш. газу.

3. Комплекс навясных і прычапных агрэгатаў да самаходнай машыны (спецыяльны тэрмін).

   • Ш. машын для трактара.

|| прыметнік: шлейфны і шлейфавы.

шлем назоўнік | мужчынскі род

1. Старажытны металічны воінскі галаўны ўбор, які ахоўваў галаву ад удараў, стрэл.

2. Спецыяльны галаўны ўбор лётчыкаў, танкістаў, спартсменаў і інш., а таксама асаблівы галаўны ўбор для аховы ад сонечных прамянёў.

   • Скураны ш.
   • Коркавы ш.

3. Спецыяльнае прыстасаванне, якое ахоўвае галаву і ізалюе яе ад навакольнага асяроддзя.

   • Вадалазны ш.
   • Кіслародны ш. (які забяспечвае паступленне кіслароду).

шлемафон назоўнік | мужчынскі род

Шлем лётчыкаў, касманаўтаў, танкістаў з прыстасаваннямі для ўключэння ў перагаворныя і інш. устройствы.

|| прыметнік: шлемафонны.

шлюб назоўнік | мужчынскі род

1. Сямейны саюз мужчыны і жанчыны; сумеснае, узаконенае жыццё мужчыны і жанчыны.

   • Зарэгістраваць ш.
   • Уступіць у ш.

2. Абрад, цырымонія ўступлення ў такі саюз.

   • Ехаць да шлюбу.

|| прыметнік: шлюбны.

шлюбаразводны прыметнік

Які мае адносіны да разводу, да скасавання шлюбу.

• Ш. працэс.