Verbum

ці злучнік | часціца

1. злучнік: размеркавальны. Ужыв. для супастаўлення членаў сказа і сказаў, якія па сваім значэнні з’яўляюцца аднолькава магчымымі ці раўназначнымі, указваючы на выбар аднаго з іх.

   • Заўтра будзе дождж ці снег.
   • Хлопчыку гадкоў пяць ці шэсць.

2. злучнік: размеркавальна-пералічальны. Аб’ядноўвае сказы і члены сказа пры пералічэнні.

   • Ці рана, ці позна, ці зусім не прыйдзе.

3. Уваходзіць у склад паўторнага пералічальна-размеркавальнага злучніка «ці то…, ці то».

4. злучнік: далучальны. Ужыв. для далучэння членаў сказа і сказаў з заўвагамі дадатковага характару.

   • Рукі выціралі скарачом ці як яго яшчэ называюць трапкачом.

5. злучнік: падпарадкавальны. Ужыв. пры даданых сказах з ускосным пытаннем.

   • Мы падумалі, ці не збіраецца на дождж.

6. часціца: пытальная. Узмацняе пытальны характар.

   • Ці зразумеюць яны нас?

цівун назоўнік | мужчынскі род

Назва розных службовых асоб у Расіі да 17 ст., а таксама наглядчык за працай сялян у памешчыка ў часы прыгону.

|| прыметнік: цівунскі.

цік​¹ назоўнік | мужчынскі род

Нервовы стан, пры якім назіраецца міжвольнае перасмыкванне мышцаў твару, галавы, плячэй.

|| прыметнік: цікозны.

• Цікозная сутарга.

цік​² назоўнік | мужчынскі род

Шчыльная льняная або баваўняная тканіна, звычайна паласатая, якая ўжыв. для абіўкі мэблі, пашыўкі чахлоў і пад.

|| прыметнік: цікавы.

цік​³ назоўнік | мужчынскі род

1. Дзікарослае дрэва сямейства вербенавых з моцнай драўнінай, расце ў лясной паласе Індыі, Індакітая.

2. Драўніна гэтага дрэва, якая выкарыстоўваецца ў караблебудаванні.

|| прыметнік: цікавы.

цік-так гукапераймальнае | размоўнае

Пра гукі працуючага гадзіннікавага механізма.

цікаваць дзеяслоў | незакончанае трыванне

Выглядваць адкуль-н. падглядваць за кім-н., сачыць за кім-н.

• Ц. з-за вугла.

|| назоўнік: цікаванне.

цікавы прыметнік

1. Які выклікае цікавасць, захапляе чым-н.

   • Цікавая кніга.
   • Ц. чалавек.
   • Цікавыя факты.
   • Цікава (прыслоўе) расказваць.

2. Які імкнецца што-н. ведаць, бачыць, даведацца чаго-н.

   • Хто ц., стараўся даведацца, што здарылася.
   • Будзеш цікавая — хутка састарышся (прыказка).

3. Прыгожы (размоўнае).

   • Ён ужо немалады, але ц. мужчына.

|| назоўнік: цікавасць.

цікавіцца дзеяслоў | незакончанае трыванне

1. Імкнуцца атрымаць звесткі аб кім-, чым-н.

   • Ц. планамі на будучае.

2. Захапляцца кім-, чым-н., імкнуцца да каго-, чаго-н.

   • Ц. музыкай.

цікавіць дзеяслоў | незакончанае трыванне

1. Выклікаць цікавасць, імкненне даведацца пра каго-, што-н.

   • Усіх цікавіла, што ён за чалавек.

2. Выклікаць захапленне, прыхільнасць да сябе.

   • Яго цікавіла скульптурнае мастацтва.