флаг1 назоўнік | мужчынскі род
Прымацаваны да дрэўка або да шнура кавалак матэрыялу адпаведнай формы і колеру, часта з эмблемай.
- Дзяржаўны ф. Беларусі.
- Белы ф. (парламенцёрскі або знак капітуляцыі).
- Застацца за флагам — 1) у конна-спартыўных спаборніцтвах: не паспець прайсці дыстанцыю, адзначаную флажком, ва
ўстаноўлены час; 2) пераноснае значэнне адстаць у чым-н. ад іншых, не дасягнуць мэты, не быць дапушчаным куды-н.
- Пад флагам якім або чаго — 1) пад якім-н. лозунгам, у імя чаго-н.; 2) прыкрываючы чым-н. свае сапраўдныя мэты і
намеры.
|| прыметнік: флагавы.
флаг2 (флаг-) прыстаўка
Першая частка складаных слоў са знач.:
- 1) у некаторых старых назвах: які мае адносіны да флагмана (у 1 знач.), напр. флаг-ад’ютант, флаг-афіцэр,
флаг-капітан, флаг-лейтэнант;
- 2) які мае адносіны да флага, напр. флаг-антэна, флагсігнал, флагшток.
флагман назоўнік | мужчынскі род
-
Камандуючы эскадрай, буйным злучэннем ваенных караблёў.
-
Вядучы ваенны карабель (марскі або паветраны), на якім знаходзіцца камандуючы эскадрай.
-
Самы буйны або самы лепшы карабель флоту дадзенага раёна.
-
пераноснае значэнне: Пра самае буйное, самае галоўнае сярод падобных.
|| прыметнік: флагманскі.
флагшток назоўнік | мужчынскі род
Шост для пад’ёму флага.
флажок назоўнік | мужчынскі род
-
Маленькі флаг, прызначаны для сігналізацыі, для ўпрыгажэння.
-
Кавалачак паперы ў выглядзе флага, прымацаваны да шпількі, доўгай ніткі і пад.
- Флажкі на карце.
- Ёлачныя флажкі.
|| прыметнік: флажковы.
флакон назоўнік | мужчынскі род
Невялікая бутэлечка са шчыльным коркам (звычайна для духоў, адэкалону).
|| памяншальная форма: флакончык.
|| прыметнік: флаконны.
фламастэр назоўнік | мужчынскі род
Карандаш, у якім пішучым элементам з’яўляецца порысты стрыжань, насычаны фарбавальнікам.
|| прыметнік: фламастэрскі.
фламінга назоўнік | ніякі род | нескланяльнае
Паўднёвая вадзяная птушка з бледна-ружовым апярэннем, доўгай шыяй і доўгімі нагамі.
фланг назоўнік | мужчынскі род
Левы ці правы край шарэнгі, фронту, размяшчэння войск.
|| прыметнік: фланговы.
- Ф. ўдар.
- Фланговая пазіцыя.
- Ф. марш (рух паўз фронт праціўніка).
фланель назоўнік | жаночы род
Мяккая баваўняная або шарсцяная тканіна палатнянага перапляцення з двухбаковым начосам.
|| прыметнік: фланелевы і фланельны.