Verbum

ушанаванне назоўнік | ніякі род

1. гл. ушанаваць.

2. Урачыстасці ў гонар юбіляра і пад.

   • У. ветэранаў працы.

ушанаваць дзеяслоў | закончанае трыванне

1. Выказаць пашану, павагу каму-, чаму-н.

   • У. чыю-н. памяць.
   • У. сваёй прысутнасцю.
   • У. памяць мінутным маўчаннем.

2. Урачыста павіншаваць у сувязі з чым-н.

   • У. юбіляра.

|| незакончанае трыванне: ушаноўваць.

|| назоўнік: ушаноўванне.

|| назоўнік: ушанаванне.

• Ваенныя ўшанаванні.

ушасцярых прыслоўе

Колькасцю ў шэсць асоб (рознага полу) або істот (ніякага роду).

• Ехаць у.

ушасцёх прыслоўе

У колькасці шасці чалавек (толькі пра мужчын або толькі пра жанчын).

• Дояць кароў на ферме ў.

ушкуй назоўнік | мужчынскі род

Старадаўняя пласкадонная лодка з парусамі і вёсламі.

ушморгнуць дзеяслоў | закончанае трыванне

Шморгаючы, уцягнуць у сярэдзіну чаго-н.

• У. шнуркі ў чаравікі.

|| незакончанае трыванне: ушморгваць.

ушрубаваць дзеяслоў | закончанае трыванне

Вярчэннем увесці ў сярэдзіну чаго-н.

• У. шрубу ў дзвярную ручку.

|| незакончанае трыванне: ушрубоўваць.

уштурхнуць дзеяслоў | закончанае трыванне

Штурхнуўшы, прымусіць увайсці, штуршком упіхнуць куды-н.

• У. падсвінка ў катух.

|| незакончанае трыванне: уштурхваць і уштурхоўваць.

ушчаміцца дзеяслоў | закончанае трыванне

Аказацца заціснутым, зашчэмленым з двух бакоў.

• Парася ўшчамілася ў плот.
• У. ў пастку (таксама пераноснае значэнне: апынуцца ў цяжкім становішчы).

|| незакончанае трыванне: ушчамляцца і ушчэмлівацца.

ушчаміць дзеяслоў | закончанае трыванне

1. Сціснуўшы, зашчаміць.

   • У. палец ў дзверы.

2. пераноснае значэнне: Абмежаваць у чым-н.

   • У. каго-н. у правах.
   • У. самалюбства.

3. пераноснае значэнне: Паставіць у няёмкае становішча.

|| незакончанае трыванне: ушчамляць і ушчэмліваць.