Verbum

унадзіцца дзеяслоў | закончанае трыванне

Тое, што і панадзіцца.

унаймы прыслоўе

У карыстанне за пэўную плату.

• Здаць пакой у.

унакладку прыслоўе | размоўнае

Палажыўшы цукар у шклянку (у адрозненне ад упрыкуску).

• Піць чай у.

унаравіць дзеяслоў | закончанае трыванне

Дагадзіць каму-н., зрабіўшы так, як трэба.

• Усім не ўнаровіш.

унармаваць дзеяслоў | закончанае трыванне

Прывесці да нормы.

• У. напісанне ўласных імён.

|| незакончанае трыванне: унармоўваць.

|| назоўнік: унармаванне.

унаследаваць дзеяслоў | закончанае трыванне

1. гл. наследаваць.

2. Атрымаць якую-н. уласцівасць, якасць ад бацькоў, ад папярэдніх пакаленняў.

   • У. характар бацькі.

унасіць дзеяслоў | закончанае трыванне

Унесці ўнутр усё, многае ў некалькі прыёмаў.

• У. усе скрынкі ў склад.

унесці дзеяслоў | закончанае трыванне

1. Прынесці ўнутр.

   • У. рэчы ў дом.

2. Заплаціць.

   • У. плату.

3. Перадаць на чыё-н. меркаванне.

   • У. прапанову ў прэзідыум.

4. Уключыць, дабавіць.

   • У. змены ў праект пастановы.
   • У. кампост у глебу.

5. Выклікаць, зрабіць.

   • У. жвавасць у размову.
   • У. разлад у сям’ю.

|| незакончанае трыванне: уносіць.

|| назоўнік: унясенне.

уночы (уначы) прыслоўе

Ноччу.

• Прыехаць у.

унты назоўнік | мужчынскі і жаночы род

Высокія футравыя боты, якія носяць на поўначы.