Verbum

сюды прыслоўе

У гэта месца, у гэты бок.

• Палажы с. кнігу!
• Прынясі с. граблі!

сюды-туды прыслоўе

1. У той і другі бок; у розныя бакі.

   • Чалавек бегае сюды-туды з самага ранку.

2. У некаторыя месцы.

   • Трэба сюды-туды збегаць.

3. Нішто сабе, дапушчальна (размоўнае).

   • Днём яшчэ сюды-туды, а ў вячэрні змрок адчуваеш сябе, як у склепе.

сюжэт назоўнік | мужчынскі род

Сукупнасць звязаных між сабой дзеянняў, падзей, характараў і лёсаў герояў, у якіх раскрываецца асноўны змест мастацкага твора.

• Заблытаны с.

|| прыметнік: сюжэтны.

• Сюжэтныя лініі аповесці.

сюрпрыз назоўнік | мужчынскі род

Нечаканасць, нечаканы падарунак.

• Вось дык с.!

|| прыметнік: сюрпрызны.

сюсюкаць дзеяслоў | размоўнае | незакончанае трыванне

1. Размаўляючы, замяняць шыпячыя гукі свісцячымі.

2. пераноснае значэнне: Падроблівацца пад дзіцячы склад думак, мову і пад.

   • Нельга с. з дзецьмі.

|| назоўнік: сюсюканне.

сюіта назоўнік | жаночы род

Музычны твор, які складаецца з некалькіх рознахарактарных п’ес, аб’яднаных адзінствам задумы.

|| прыметнік: сюітны.

• С. цыкл.