Verbum

пэндзаль назоўнік | мужчынскі род

Пучок шчаціння, валасоў на ручцы для нанясення фарбы, клею на што-н.

• Малярны п.
• П. мастака.
• Валодаць пэндзлем (умець маляваць карціны).

|| памяншальная форма: пэндзлік.

|| прыметнік: пэндзлевы.

пэр назоўнік | мужчынскі род

Тытул вышэйшага дваранства (у Англіі, Францыі), а таксама асоба, якая носіць гэты тытул.

|| прыметнік: пэрскі.

пэцкаль назоўнік | мужчынскі род | размоўнае

Той, хто пэцкае, дрэнна робіць што-н.

• Ты сапраўдны мастак ці п.?

пэцканіна назоўнік | жаночы род | размоўнае

Няўмела, неахайна, брудна выкананая работа.

пэцкацца дзеяслоў | незакончанае трыванне

1. у што, чым і без дапаўнення. Забруджвацца, пэцкаць сябе чым-н.

   • П. ў гразь.

2. Станавіцца брудным.

   • Светлае адзенне хутка пэцкаецца.

3. Вельмі марудна рабіць што-н. (размоўнае).

   • Дакуль вы будзеце п. з гэтай справай?

|| закончанае трыванне: выпацкацца, апэцкацца, запэцкацца, спэцкацца, напэцкацца і упэцкацца.

|| назоўнік: пэцканне.

пэцкаць дзеяслоў | незакончанае трыванне

1. Забруджваць, вымазваць.

   • П. адзенне.
   • П. рукі.

2. Рабіць брудна, няўмела (размоўнае).

   • Не малюе, а пэцкае.

Пэцкаць рукі аб каго-што (размоўнае) — быць замешаным у што-н. непрыстойнае, нізкае, звязанае з кім-н.

|| закончанае трыванне: выпацкаць, апэцкаць, запэцкаць, спэцкаць, напэцкаць і упэцкаць.

|| аднакратны дзеяслоў: пэцнуць.

|| назоўнік: пэцканне.

пэцнуць дзеяслоў | размоўнае | закончанае трыванне

1. гл. пэцкаць.

2. каго (што) па чым. Ударыць.

   • П. па твары.

пэўна прыслоўе

1. прыслоўе: Надзейна, безумоўна.

   • Пасяджэнне адбудзецца п.

2. пабочнае слова: Відаць, відавочна, мабыць.

   • Ён, п., сёння не прыедзе.

пэўны прыметнік

1. Дакладна вызначаны, прызначаны.

   • Сустрэцца ў пэўным месцы.

2. Ясны, несумненны.

   • Даць п. адказ.

3. Некаторы, той ці іншы.

   • У працы выяўлены пэўныя недахопы.

4. Такі, якому можна даверыцца, надзейны.

   • П. чалавек.
   • Пэўная схованка.

5. Упэўнены, цвёрды.

   • Ісці пэўным крокам.

|| назоўнік: пэўнасць.