пчала назоўнік | жаночы род
Насякомае, якое перапрацоўвае кветкавы нектар на мёд.
|| памяншальная форма: пчолка.
|| прыметнік: пчаліны.
- Пчалінае малачко (сакрэт слінных залоз рабочых пчол, якім яны выкормліваюць лічынак на пэўнай стадыі развіцця;
спецыяльны тэрмін).
пчалавод назоўнік | мужчынскі род
Тое, што і пчаляр.
пчалаводства назоўнік | ніякі род
Тое, што і пчалярства.
|| прыметнік: пчалаводны і пчалаводчы.
- Пчалаводны інвентар.
- Пчалаводчая гаспадарка.
пчальнік назоўнік | мужчынскі род
Тое, што і пасека (у 2 знач.).
пчаляр назоўнік | мужчынскі род
Чалавек, які займаецца пчалярствам.
пчалярства назоўнік | ніякі род
Развядзенне пчол як галіна сельскай гаспадаркі.
|| прыметнік: пчалярскі.
- П. інструмент.
- Пчалярская справа.
пчолалячэнне назоўнік | ніякі род | спецыяльны тэрмін
Лячэнне ўкусамі пчол (пчаліным ядам).
пчолатэрапія назоўнік | жаночы род | спецыяльны тэрмін
Тое, што і пчолалячэнне.