Verbum

ныраць дзеяслоў | незакончанае трыванне

1. Поўнасцю апускацца ў ваду.

2. Лётаючы ў паветры, крута і хутка апускацца ўніз.

3. пераноснае значэнне: Хутка знікаць з вачэй і зноў з’яўляцца (размоўнае).

   • Месяц зрэдку ныраў за воблакі.

4. У боксе: ухіляцца ад бакавых удараў праціўніка ў галаву.

|| аднакратны дзеяслоў: нырнуць.

|| назоўнік: ныранне.

нырэц​¹ назоўнік | мужчынскі род

1. Скачок у ваду з галавой.

   • Даць нырца.

2. Той, хто ўмее ныраць, хто добра нырае.

   • Майстэрства нырцоў.

3. У боксе: прыём, калі баксёр хутка прыгінаецца, каб ухіліцца ад бакавых удараў у галаву.

|| прыметнік: нырцоўскі.

нырэц​² назоўнік | мужчынскі род

Вадаплаўная птушка сямейства качыных.

|| прыметнік: нырцовы.

• Нырцовая качка.

ныць дзеяслоў | незакончанае трыванне

1. Балець (пра адчуванне тупога, цягучага болю).

   • Зуб ные.
   • Сэрца ные (таксама пераноснае значэнне: пра пачуццё непакою, хвалявання).

2. Надакучліва скардзіцца на што-н.

3. пераноснае значэнне: Цягуча, жаласна гусці (размоўнае).

   • Ные ў коміне вецер.

|| назоўнік: ныццё.

ныцік назоўнік | мужчынскі род | размоўнае

Чалавек, які ўвесь час ные, на ўсё скардзіцца.

• Надакучлівы н.