Verbum

зжаваць дзеяслоў | закончанае трыванне

1. Пажаваўшы, з’есці.

2. Сапсаваць жаваннем.

   • Цяля зжавала кашулю.

|| незакончанае трыванне: зжоўваць.

зжаліцца дзеяслоў | закончанае трыванне

Праявіўшы, адчуўшы жаласць, зрабіць што-н. патрэбнае, прыемнае для каго-, чаго-н., злітавацца.

• З. над небаракам.

зжахнуцца дзеяслоў | размоўнае | закончанае трыванне

Раптоўна і моцна спужацца.

зжаўцелы прыметнік

Які зжаўцеў, стаў жоўтым.

• Зжаўцелыя старыя здымкі.

зжоўклы прыметнік | размоўнае

Тое, што і зжаўцелы.

• Зжоўклая трава.

зжынаць дзеяслоў | незакончанае трыванне

Тое, што і жаць.

зжыцца дзеяслоў | закончанае трыванне

1. Жывучы разам, звыкнуцца, здружыцца.

   • З. з новымі таварышамі.

2. пераноснае значэнне, з чым. Прывыкнуць.

   • З. з абставінамі.
   • З. з вобразам (пра акцёра: пераўвасобіцца ў мастацкі вобраз).

|| незакончанае трыванне: зжывацца.

зжыць дзеяслоў | закончанае трыванне

1. каго (што) з чаго і без дапаўнення. Стварыўшы невыносныя ўмовы, не даць жыць каму-н. дзе-н.

   • Зжылі злоснікі добрага чалавека.
   • З. са свету (змучыць чым-н.).

2. Пазбавіцца ад чаго-н., выкараніць у сабе што-н.

   • З. недахопы.

3. Пражыць (жыццё, многа гадоў і пад.).

   • Чалавек жыццё зжыў і розуму не набраўся.

|| незакончанае трыванне: зжываць.