Verbum

блага безасабовая форма | выказнік

1. Пра дрэнныя, неспрыяльныя абставіны.

   • Жывецца не б.

2. Пра цяжкі фізічны або душэўны стан каго-н.

   • Чалавеку зрабілася б.

благавешчанне назоўнік | ніякі род

Адно з веснавых хрысціянскіх свят.

|| прыметнік: благавешчанскі.

благаславенны прыметнік | высокае, высокага стылю

Варты падзякі, хвалы, захаплення; шчаслівы, багаты.

• Б. час.
• Б. край.

благаславіць дзеяслоў | закончанае трыванне

1. Перахрысціць са словамі малітвы і пажадаць шчасце.

   • Б. молодых.

2. З добрым пажаданнем накіраваць на што-н. Б. на подзвігі.

|| незакончанае трыванне: благаслаўляць.

|| назоўнік: благаславенне.

благата назоўнік | жаночы род | размоўнае

1. гл. благі.

2. Зло, дрэнны ўчынак.

3. м. і ж. Благі, злы чалавек.

   • Доброму чалавечку добра і ў запечку, а благаце — блага і на куце (прыказка).

благі прыметнік

1. Які не мае станоўчых якасцей, не адпавядае патрабаванням.

   • Благія землі.
   • Б. чалавек.

2. Дрэнны ў маральных адносінах.

   • Б. ўчынак.

3. Худы, з хваравітым выглядам.

   • Б. з твару.

4. Непрыемны для іншых (пра манеры, характар і пад.).

   • Благія прывычкі.
   • Благое вока — у народным павер’і: вока, позірк якога прыносіць няшчасце.

|| назоўнік: благата.

блакада назоўнік | жаночы род

1. Акружэнне войск праціўніка з мэтай знішчэння, а таксама ізаляцыя якой-н. дзяржавы, горада.

   • Б. Ленінграда.
   • Эканамічная б.

2. Выключэнне функцый якога-н. органа або сістэмы арганізма (спецыяльны тэрмін).

   • Навакаінавая б.

|| прыметнік: блакадны.

блакгаўз назоўнік | мужчынскі род

Абарончае ўмацаванае збудаванне для вядзення кругавога кулямётнага або артылерыйскага агню.

|| прыметнік: блакгаўзны.

блакнот назоўнік | мужчынскі род

Запісная кніжка з адрыўнымі лістамі.

|| прыметнік: блакнотны.

• Блакнотныя лісткі.

блакіраваць дзеяслоў | закончанае і незакончанае трыванне

1. Арганізаваць (-зоўваць) блакаду.

   • Б. партызан.
   • Б. дарогу (пераноснае значэнне: перагарадзіць (-роджваць) праход, шлях і пад.).

2. Закрыць (-ываць) пуць паміж станцыямі, карыстаючыся блакіроўкай (у 2 знач. і спецыяльны тэрмін).

|| назоўнік: блакіраванне і блакіроўка.