Verbum

ільновалакно (льновалакно) назоўнік | ніякі род

Валакно лёну.

ільнокамбінат (льнокамбінат) назоўнік | мужчынскі род

Прадпрыемства, якое займаецца апрацоўкай лёну, вытворчасцю льняных тканін і пастаўкай іх іншым прадпрыемствам.

• Аршанскі л.

ільнопрадзільны (льнопрадзільны) прыметнік

Прызначаны для прадзення лёну.

• Ільнопрадзільная фабрыка.

ільнотраста (льнотраста) назоўнік | жаночы род

Вылежалыя або вымачаныя сцёблы лёну, з якіх атрымліваюць прадзільнае валакно.

• Шаўкавістая л.

ільняны (льняны) прыметнік

1. Які мае адносіны да лёну.

   • Ільняное валакно.
   • Ільняная сарочка.

2. Які мае адносіны да апрацоўкі лёну.

   • Ільняная прамысловасць.

3. Які колерам і мяккасцю нагадвае валакно лёну.

   • Ільняныя валасы.

ільнянішча (льнянішча) назоўнік | ніякі род

Поле, з якога сабралі лён або на якім папярэдняй культурай быў лён.