Verbum

опус назоўнік | мужчынскі род

1. Асобны музычны твор у шэрагу іншых твораў таго ж аўтара (спецыяльны тэрмін).

2. Твор, праца (жартаўлівае).

   • Пазнаёмся з маім першым опусам.

опій назоўнік | мужчынскі род

Высушаны млечны сок з няспелых галовак маку, які ўжыв. як наркатычны і болесуцішальны сродак.

|| прыметнік: опійны.

• О. мак.

опіум назоўнік | мужчынскі род

Тое, што і опій.

|| прыметнік: опіумны.

орган назоўнік | мужчынскі род

1. Частка арганізма, якая мае пэўную будову і спецыяльнае прызначэнне.

   • О. зроку.
   • Унутраныя органы.

2. пераноснае значэнне, чаго. Сродак, зброя.

   • Друк — актыўны о. прапаганды.

3. Дзяржаўная ці грамадская ўстанова, арганізацыя.

   • Мясцовыя органы.
   • О. аховы здароўя.

4. Друкаванае выданне, што належыць якой-н. установе.

оргія назоўнік | жаночы род

Разгульнае, разбэшчанае баляванне (у антычныя часы — абрадавае святкаванне ў гонар бога віна і вінаробства).

ордэн​¹ назоўнік | мужчынскі род

Асобы знак узнагароды за выдатныя заслугі.

• О. Кастуся Каліноўскага.
• О. Маці.

|| прыметнік: ордэнскі.

• Ордэнская стужка.

ордэн​² назоўнік | мужчынскі род

Арганізацыя, таварыства з пэўным статутам (манаская або, у сярэднія вякі, рыцарская і г.д.).

• О. езуітаў.

|| прыметнік: ордэнскі.

ордэр​¹ назоўнік | мужчынскі род

Пісьмовае распараджэнне; дакумент на атрыманне, выдачу чаго-н.

• О. на вобыск.
• Расходны о.
• О. на кватэру.

|| прыметнік: ордэрны.

ордэр​² назоўнік | мужчынскі род | спецыяльны тэрмін

Разнавіднасць спалучэння, парадак размяшчэння частак архітэктурных канструкцый (калон і антаблементу).

• Грэчаскі о.
• Карынфскі о.

осмас назоўнік | мужчынскі род | спецыяльны тэрмін

Прасочванне растваральніка ў раствор скрозь напаўпранікальныя або раслінныя перапонкі, тканкі.