Verbum

магніт назоўнік | мужчынскі род

1. Кавалак жалезнай руды або сталі, які мае ўласцівасць прыцягваць да сябе жалезныя або стальныя прадметы.

2. пераноснае значэнне: Тое, што прыцягвае, вабіць да сябе.

|| прыметнік: магнітны.

магнітафон назоўнік | мужчынскі род

Апарат для запісу і аднаўлення гукаў электрамагнітным шляхам.

|| прыметнік: магнітафонны.

магнітола назоўнік | жаночы род

Апарат, які сумяшчае ў сабе радыёпрыёмнік і магнітафон.

магутнасць назоўнік | жаночы род

1. гл. магутны.

2. Фізічная велічыня, якая паказвае адносіны работы да часу, на працягу якога яна выконваецца.

   • М. электрастанцыі.

3. множны лік, пераноснае значэнне Вытворчыя аб’екты (электрастанцыі, заводы, машыны).

   • Новыя энергетычныя магутнасці.

магутны прыметнік

1. Вельмі вялікі, значны (па сіле, велічыні).

   • М. ўдар.
   • М. ўраган.

2. Які мае вялікую магутнасць (у 3 знач.).

   • М. рухавік.

3. Тоўсты, масіўны (пласт, слой).

   • М. пласт гліны.

4. З вялікімі вытворчымі і матэрыяльнымі магчымасцямі.

   • Магутная краіна.

|| назоўнік: магутнасць.

магчы дзеяслоў | незакончанае трыванне

1. Быць у стане, мець магчымасць (рабіць што-н.).

   • М. працаваць.

2. Мець права, абавязак.

   • Не можам атэставаць.

3. Абазначае верагоднасць, магчымасць якога-н. дзеяння.

   • Можа паказацца.

Фразеалагізмы:

• Не магчы (не ўмець) звязаць двух слоў (размоўнае неадабральнае) — пра няўменне прыгожа, звязна гаварыць, выказваць свае думкі.
• Не можа быць! — вокліч, які выказвае недавер, сумненне, здзіўленне і пад.
• Не можа быць (і) гаворкі — нельга нават і гаварыць аб выкананні, здзяйсненні чаго-н.

|| закончанае трыванне: змагчы.

магчыма прыслоўе

1. Прысл. да магчымы (у 2 знач.).

2. пабочн. сл. Можа быць, можа.

   • Я, м., успомню.

3. безасабовая форма: , у знач. выказніка: Не выключана магчымасць.

   • Усё м.

магчымасць назоўнік | жаночы род

1. гл. магчымы.

2. Сродкі, умовы, неабходныя для здзяйснення чаго-н.

   • Вялікія магчымасці.
   • Па магчымасці (наколькі магчыма).
   • Па меры магчымасцей (адпаведна з сіламі, з магчымасцямі).

магчымы прыметнік

1. Такі, які можа адбыцца, дапушчальны.

   • Падобны выпадак м.

2. Які можна здзейсніць, ажыццявіць.

   • Пытанне гэта магчыма разгледзець неаакладна.

|| назоўнік: магчымасць.

магіла назоўнік | жаночы род

1. Яма для пахавання памерлых, а таксама насып на месцы пахавання.

   • Засыпаць магілу.
   • Адной нагой у магіле (стаяць) (быць блізкім да смерці).
   • Глядзець у магілу (хутка памрэ).
   • Загнаць (увагнаць, завесці) у магілу (давесці да смерці).
   • Знайсці магілу (пераноснае значэнне: загінуць, памерці).

2. пераноснае значэнне, у знач. выказніка: Будзе захавана ў тайне.

   • Ведаць аднаму і — м.

3. у знач. выказніка: Аб чым-н. вельмі небяспечным; смерць (размоўнае).

   • За здраду — м.

|| памяншальная форма: магілка.

|| прыметнік: магільны.

• М. камень.