Verbum

гістарыяграфія назоўнік | жаночы род

1. Навука аб развіцці гістарычных ведаў і аб метадах гістарычнага даследавання.

2. Сукупнасць гістарычных даследаванняў, прысвечаных якому-н. перыяду ці праблеме.

   • Г. Вялікага княства Літоўскага.

|| прыметнік: гістарыяграфічны.

гістолаг назоўнік | мужчынскі род

Спецыяліст у галіне гісталогіі.

гісторык назоўнік | мужчынскі род

1. Вучоны, даследчык у галіне гісторыі.

2. Выкладчык гісторыі як вучэбнага прадмета.

гісторыя назоўнік | жаночы род

1. Рэчаіснасць у яе развіцці і руху.

   • Законы гісторыі.

2. Навука аб развіцці чалавечага грамадства.

   • Г. старажытнага свету.
   • Г. сярэдніх вякоў.

3. Ход развіцця, руху чаго-н.

   • Г. раслін.
   • Г. знешняга гандлю.
   • Г. хваробы.

4. Сукупнасць фактаў і падзей, што адносяцца да мінулага жыцця; мінулае, якое захавалася ў паняцці людзей.

   • Народныя вясельныя абрады ўжо сталі гісторыяй.

5. Расказ, апавяданне пра што-н.

   • Дзеці любяць слухаць займальныя гісторыі.

6. Здарэнне, выпадак, пераважна непрыемныя.

   • Трапіць у сумную гісторыю.
   • Вось дык г.!

|| прыметнік: гістарычны.

гітара назоўнік | жаночы род

Струнны шчыпковы музычны інструмент з корпусамрэзанатарам у выглядзе васьмёркі і доўгім грыфам.

|| прыметнік: гітарны.

гітарыст назоўнік | мужчынскі род

Музыкант, які іграе на гітары.

|| жаночы род: гітарыстка.

|| прыметнік: гітарысцкі.

гіцаль назоўнік | мужчынскі род

1. Той, хто знімае скуры з забітых жывёл; скуралуп (у 1 знач.; устарэлае, абласное).

2. Свавольнік, гарэза (размоўнае).

   • Ах, ты г.!

3. Вешалка ў верхняй вопратцы.

   • Г. трэба прышыць.

гічка назоўнік | жаночы род

Вузкая і доўгая спартыўная шлюпка з нізкімі бартамі.

гіяцынт назоўнік | мужчынскі род

1. Травяністая расліна сямейства лілейных з прадаўгаватымі вузкімі лістамі і пахучымі кветкамі, сабранымі ў суквецце.

2. Мінерал чырвонага ці залаціста-аранжавага колеру.

|| прыметнік: гіяцынтавы.