Verbum

спусціцца дзеяслоў | закончанае трыванне

1. Перамясціцца зверху ўніз.

   • С. з гары.
   • С. ў склеп.
   • С. на зямлю (таксама пераноснае значэнне: ад мар, летуценняў вярнуцца да рэчаіснасці).

2. на што і без дапаўнення. Пра птушак, насякомых, лятальныя апараты: прызямліцца, сесці.

   • Верталёт спусціўся на выган.

3. пераноснае значэнне: Пра ноч, імглу, туман і пад.: наступіць, насунуцца.

   • На зямлю спусцілася ноч.

4. Дайсці да заняпаду, разарыцца (размоўнае).

   • С. з грошай.

5. Сарвацца з чаго-н., што ўтрымлівае.

   • Курок спусціўся сам па сабе.

|| незакончанае трыванне: спускацца.

|| назоўнік: спуск.