смактаць

дзеяслоў | незакончанае трыванне

  1. Губамі і языком уцягваць у рот (вадкае).

    • С. малако.
    • С. матчыны грудзі (карміцца мацярынскім малаком).
  2. Пра насякомых і некаторых жывёлін: усмоктваць у сябе што-н. вадкае пры дапамозе спецыяльных органаў.

    • Авадні смокчуць каня.
    • С. кроў з каго-н. (таксама пераноснае значэнне: тое, што і піць чыю-н. кроў).
  3. Трымаць у роце, размінаючы, размякчаючы губамі, языком.

    • С. цукар.
  4. Трымаючы што-н. у роце і змочваючы слінай, рабіць смактальныя рухі языком і губамі.

    • С. соску.
    • С. лапу.
    • С. люльку (курыць).
  5. пераноснае значэнне, звычайна безасабовая форма Выклікаць тупы боль.

    • Смокча пад грудзямі.

|| назоўнік: смактанне.

|| прыметнік: смактальны.

Тлумачальны слоўнік беларускай мовы (rv-blr.com)