Verbum

слухаць дзеяслоў | незакончанае трыванне

1. Накіроўваць слых на што-н.

   • С. настаўніка.
   • С. музыку.

2. Публічна разглядаць (судовую справу; афіцыйнае).

   • С. справу аб разводзе.

3. Вывучаць што-н. наведваючы лекцыі.

   • С. курс уводзін у мовазнаўства.
   • У педінстытуце слухалі лепшых выкладчыкаў.

4. Вызначыць стан здароўя на слых.

   • С. хворага.
   • Доктар уважліва слухаў сэрца.

5. Слухацца каго-н., выконваць чые-н. загады, рабіць так, як хто-н. раіць.

   • Слухай, што бацька гаворыць.
   • Трэба с. старэйшых.
   • Вучні павінны с. настаўніка.

6. слўхай(це). Ужыв. таксама ў пачатку размовы як зваротак для таго, каб прыцягнуць увагу (размоўнае).

   • Слухай, яшчэ я не закончыла, а ты сваё працягваеш.

7. часціца: Адказ (пераважна вайскоўцаў) на якое-н. распараджэнне, які абазначае, што яно будзе выканана.

|| закончанае трыванне: праслухаць і паслухаць.

|| назоўнік: слуханне.