Verbum

сабраць дзеяслоў | закончанае трыванне

1. Сканцэнтраваць у адным месцы, запрасіўшы або прымусіўшы прыехаць, прыйсці куды-н.

   • С. студэнтаў.
   • С. калгаснікаў на сход.

2. што і чаго. Назапасіць дзе-н., паступова збіраючы, адшукваючы.

   • С. многа значкоў.
   • С. грошы на мэблю.

3. Размясціць блізка адно ля аднаго; злучыць у што-н.

   • С. кветкі ў букет.

4. Зняць пасля паспявання ўраджай.

   • С. ягады з кустоў парэчак.
   • С. добры ўраджай пшаніцы.

5. што і чаго. Пазбіраць, падбіраючы з зямлі рассыпанае, раскіданае; прывесці ў парадак.

   • С. шчаўя ў суп.
   • С. бульбу пасля бараны.
   • С. інструмент са стала.

6. Даведаўшыся з розных крыніц, сканцэнтраваць, змясціць у адным месцы.

   • С. звесткі.
   • С. прапановы і заўвагі.

7. Атрымаць за сябе, за сваю кандыдатуру пры галасаванні.

   • С. большасць галасоў.

8. Злажыўшы ў адно месца, падрыхтаваць, нагатаваць.

   • С. сумку ў дарогу.

9. Падрыхтаваць у дарогу таго, хто ад’язджае.

   • С. сына ў паездку.

10. Злучыўшы асобныя часткі, дэталі, атрымаць што-н. цэлае.

    • С. магнітафон.
    • С. будзільнік.

11. пераноснае значэнне: Мабілізаваць свае сілы, волю, энергію і пад., прывесці сябе ў актыўны стан.

    • С. волю.

12. Зрабіць зборкі на чым-н.

    • С. сукенку ў поясе.

13. Паставіць, прыгатаваць на стол усё неабходнае для яды.

    • Тое-сёе можна с. на стол.
    • С. абед.

|| незакончанае трыванне: збіраць.

|| назоўнік: збор і збіранне.