качацца

дзеяслоў | незакончанае трыванне

  1. Тое, што і каціцца1 (у 1 знач.), але абазначае рух, які адбываецца ў кожны час і ў розных напрамках.

    • Мячык качаецца па падлозе.
  2. Пераварочвацца, перакульвацца з боку на бок (пра чалавека, жывёлу).

    • К. ў траве.
    • Конь качаецца па зямлі.
    • Дзеці качаюцца ў снезе.
  3. Ляжаць без справы, без сну.

    • К. да раніцы ў ложку (размоўнае).
  4. Быць хворым.

    • Цэлы месяц качалася з пабітай нагой (размоўнае).

|| назоўнік: качанне.

Тлумачальны слоўнік беларускай мовы (rv-blr.com)