Verbum

ільночасалка і льночасалка, ‑і, ДМ ‑лцы; Р мн. ‑лак; ж.

Машына для часання лёну.

ільночасальны і льночасальны, ‑ая, ‑ае.

Прызначаны для часання лёну. Ільночасальная машына.

ільноўборачны і льноўборачны, ‑ая, ‑ае.

Прызначаны для ўборкі лёну. Ільноўборачныя машыны.

ільняны і льняны, ‑ая, ‑ое.

1. Які мае адносіны да лёну. Ільняны палетак. Ільняное сцябло. Ільняное валакно. Ільняная сеялка. Ільняная сыравіна. // Атрыманы з ільнянога семя. Ільняны алей. Ільняная макуха. // Выраблены з валакна лёну. Ільняное палатно. Ільняная сарочка.

2. Які мае адносіны да апрацоўкі лёну. Ільняная прамысловасць. Ільняная фабрыка. Ільняны камбінат.

3. Які колерам і мяккасцю нагадвае валакно лёну. У Валькі ж валасы, як у мамы, ільняныя, і вочы такія ж сіне-зялёныя, толькі бровы бацькавы — густыя, чорныя. Шчарбатаў.

ільнянішча і льнянішча, ‑а, н.

Поле, з якога сабралі лён або на якім папярэдняй культурай быў лён.

ільнішча і льнішча, ‑а, н.

Тое, што і ільнянішча.

ільсніцца і льсніцца, ‑ніцца; незак.

Блішчаць, адсвечваць (пра гладкую паверхню). Паравозік быў зроблены з бярозы-чачоткі, ільсніўся, як шкло. Пестрак. Дарога гладкая, слізкая, бліскучая. Ільсніцца сліпучы белы снег. Лужанін.