ХАЦКЕ́ВІЧ Генадзь Аляксеевіч (н. 6.12.1950, г. Рамны Сумскай вобл., Украіна),
бел. вучоны-эканаміст. Д-р эканам. н. (2002). Скончыў БДУ (1973), дзе і працаваў да 1995. У 1985—88 у Нац. ін-це планавання і статыстыкі Алжыра. З 1995 у Мінскім Ін-це кіравання і прадпрымальніцтва (дэкан, з 1997 заг. кафедры, з 1998 прарэктар). З 2002 у Мінскім ін-це кіравання (прарэктар). Навук. працы па метадах эканаметрычнага мадэліравання і прагназіравання сац.-эканам. працэсаў ва ўмовах фарміравання рыначных адносін. Даследуе працэдуры пабудовы індэксаў спажывецкіх цэн. Аўтар шэрагу дапаможнікаў для ВНУ.
Тв.:
Основы имитационного и статистического моделирования. Мн., 1997 (сааўт.);
Экономическое моделирование и анализ неустойчивых экономических процессов. Мн., 2000;
Статистика: описательный подход. Мн., 2002.
М.П.Савік.
т. 16, с. 566
Беларуская Энцыклапедыя (1996—2004, правапіс да 2008 г., часткова)