ХАЦІ́СЛАЎ,
вёска ў Маларыцкім р-не Брэсцкай вобл. Цэнтр сельсавета і калгаса. За 10 км на Пд ад г. Маларыта, 62 км ад Брэста, 4 км ад чыг. ст. Хаціслаў. 1027 ж., 362 двары (2002). Сярэдняя школа, Дом культуры, б-ка, амбулаторыя, аддз. сувязі. Курган Славы на месцы бою 25.6.1941 воінаў 75-й стралк. дывізіі 4-й арміі з ням. фашыстамі. Помнік землякам, якія загінулі ў Вял. Айч. вайну. Помнік архітэктуры — Хаціслаўская Спаса-Праабражэнская царква.
т. 16, с. 565
Беларуская Энцыклапедыя (1996—2004, правапіс да 2008 г., часткова)