ХАРЛА́МАЎ Валерый Барысавіч (14.1.1948, Масква — 27.8.1981),

расійскі спартсмен (хакей з шайбай). Засл. майстар спорту (1969). Скончыў Маскоўскі пед. ін-т. З 1967 нападаючы каманды ЦСКА, у 1969—79 член зборнай каманды СССР. Чэмпіён XI (1972, г. Сапара, Японія) i XII (1976, г. Інсбрук, Аўстрыя) зімовых Алімп. гульняў, сярэбраны прызёр XIII зімовых Алімп. гульняў (1980, г. Лейк-Плэсід, ЗША). Чэмпіён свету (1969—71, 1973—75, 1978, 1979), сярэбраны (1972, 1976) і бронз. (1977) прызёр. Чэмпіён Еўропы (1969, 1970, 1973—75, 1978, 1979), сярэбраны (1971, 1972) і бронз. (1976, 1977) прызёр. Чэмпіён СССР (1968, 1970—73, 1975, 1977—81).

Літ.:

Три скорости Валерия Харламова / Авт.-сост. Б.​Левин. 2 изд. М., 1988;

Тарасов А.В. Настоящие мужчины хоккея. М., 1987.

т. 16, с. 550

Беларуская Энцыклапедыя (1996—2004, правапіс да 2008 г., часткова)