ХАНЬШУ́Й, Ханьцзян, Цзюйхэ,

рака ў Кітаі, левы прыток р. Янцзы. Даўж. 1532 км, пл. бас. каля 174 тыс. км². Вытокі на паўд. схілах хр. Ціньлін. У верхнім цячэнні парожыстая горная. у межах Цзянханьскай раўніны абвалавана дамбамі. Зімовая межань, летнія паводкі. Сярэдні расход вады каля 2 тыс. м³/с. Выкарыстоўваецца для арашэння. Суднаходная ў ніжнім цячэнні. У вусці Х. — г. Ухань.

т. 16, с. 540

Беларуская Энцыклапедыя (1996—2004, правапіс да 2008 г., часткова)