ХАНІНГАВА́ННЕ (ад англ. honing літар. — тачыць),

аддзелачная апрацоўка металаў рэзаннем на ханінгавальным станку, разнавіднасць абразіўнай апрацоўкі. Выконваецца дробназярністымі абразіўнымі брускамі, што манціруюцца на галоўцы (хоне). Робіцца пасля шліфавання, чыставога або прэцызійнага расточвання, разгорткі ці працягвання. Х. апрацоўваюць цыліндрычныя скразныя, глухія і ступеньчатыя адтуліны, вонкавыя паверхні.

т. 16, с. 538

Беларуская Энцыклапедыя (1996—2004, правапіс да 2008 г., часткова)